診所治療中心

睇中醫網
註冊中醫

經歷詳述:
第一次來這間診所治療牙患，整體感覺良好，診所光潔時尚，房間很多，感覺甚有規模，還有紙包飲品提供飲用，不過等侯時間有點長，客人較多。
醫生和姑娘都態度友善，治療期間耐心處理，過程中如會產生不適感都會先作提醒，服務貼心優質。
簡評:
個人觀感- 愉快友善、感覺良好
經歷過程- 醫護人員親切有禮的提供協助
推介意見- 值得向有需要人仕推介

經歷詳述:
多謝你哋救返我隻門牙! 我記以前有睇過篇專欄講過話撞甩牙的話要即刻執返隻牙，用牛奶保存，帶去俾牙醫可能有得救，無諗過真係發生喺我身上，仆落枱角撞甩隻門牙。當時我即刻上網search返個專欄，是陳思昕醫生寫的，跟住我就再search她的診所打去講我嘅情況，姑娘話緊急叫我即刻來睇。去到是另一位又係姓陳不過係男的牙醫睇我，我驚會無咗隻牙已經好緊張，見唔係專欄的陳醫生睇我就更有點擔心，不過咁嘅緊急情況有牙醫睇我已經好好了。呢位陳醫生睇來好處變不驚，安慰我仲讚我做得好，然後幫我局部麻醉，再仔細處理，真係植得返入原本位置，隻牙要綁定4個星期等佢慢慢康復。遇到位好醫生救得返隻牙真係萬幸，之後我在網站睇返其實呢位陳醫生銜頭都幾有料，同埋呢間都有幾多唔同專長的牙醫。

簡評:
個人觀感- 以心待人、真誠可靠
經歷過程- 專業人員細緻提供治療或服務
推介意見- 不可多得，必再光顧

經歷詳述:
我覺得位李醫生幾為病人設想。事緣係早幾日阿女食食下嘢無啦啦話牙痛，以為佢只係又試敏感性牙齒，點知第二日仲話痛，以為佢蛀牙所以帶佢去呢度睇牙，李醫生檢查後發覺原來佢隻小臼齒有條幼細但又幾深的裂痕，似乎係因牙齒本身咬合唔齊令嗰隻牙特別受力而咬裂咗。而家及時可以補返先，建議之後做牙套好好保護，如果唔係將來再次咬裂的話可能會裂至牙髓，到時就要杜牙根同埋都係要做牙套。
不過阿女聽到做牙套就唔肯，話覺得整完會無原來啲牙咁靚。牙醫見佢咁擔心，安慰佢之後提出個更長遠建議，可以考慮矯齒，一來可以改善外觀，二來矯齒完亦可以解決咬合問題，隻牙也無咁易再咬裂。阿女雖然一路都嫌啲牙唔靚想箍，但又怕唔想成口鋼線，李醫生覺得隱適美透明牙套的矯齒方法都適合阿女的情況，阿女知道可以做揀做透明的好開心，跟住醫生幫佢掃描咗啲牙，做個詳細分析後會再話我地知成個治療方案。
簡評:
個人觀感- 以心待人、真誠可靠
經歷過程- 專業忠誠，盡力提供實用意見
推介意見- 已視為本人的必然選擇

經歷詳述:
我覺得佢哋杜牙根做得幾好。我之所以咁講係因為我有隻牙係第二間牙醫杜完失敗，杜完當下已覺得痛，但個牙醫話剛做完有痛都正常，觀察下先未咁快知住，但之後一直都久唔久就痛，直至上次嚟呢度搵個frd佢嚟洗牙，見到有專門牙髓病學的牙醫，就同姑娘查詢下，約時間嚟睇。睇我既係黃醫生，佢好有禮貌，講解咗一輪問咗我意願之後，就開始幫我翻杜牙根。打咗麻醉過程唔覺有咩痛或唔舒服，連打麻醉針嗰下都唔算太痛。今次杜完隻牙就無再痛，可能專業嘅真係唔同啲。
簡評:
個人觀感- 經驗豐富、專業可信
經歷過程- 專業人員細緻提供治療或服務
推介意見- 值得向有需要人仕推介

診所治療中心

See Clinic 健康活力 為健康同心合力