亞太整形外科中心

經歷詳述:
恐怖激光療程 - 朱文楷醫生

以下大部份內容已呈交香港醫務委員會(醫委會), 亦是我認為是事實的真相, 並應醫委會要求到衛生署宣誓。 此事可列入為刑事案件, 只是醫生集團們醫醫相衛, 香港真是有這些無良敗德醫生和助護可以無法無天。

2009年3月26日- 朱文楷醫生在我面部做激光手術過程 :

在做嫩膚除疤激光手術前一個鐘頭, 助護為我在眼部以下, 兩面頰塗上痳醉膏, 並且叫我臥在窄窄的長椅上, 是不能夠轉身的

一個鐘頭後, 要做療程時, 助護叫我起來帶我到手術床, 當時我睡唔着, 感覺有點暈暈地

上手術床後, 我問助護點解唔駛戴眼罩及影相, 助護話醫生吩咐唔需要, 因此沒有戴上護眼罩而且全程沒有為我蓋上被鋪。

在手術床上向後望, 見到朱文楷醫生雙手放在他背後慢慢地行過來

我問朱文楷醫生點解唔幫我做埋額頭, 佢話如果做埋額頭要收費一萬元, 我話: 咁唔駛做額頭

朱文楷站在我左邊, 用隻手緊緊包着我半邊面並講了一些說話, 令我覺得很寒慄

激光開始打在我右邊面頰時, 沒有甚麼感覺

突然激光打在我右眼內角上, 仿如把刀插上, 非常劇痛, 即時我緊緊閉合眼皮及皺起額頭, 出唔到聲。當時非常驚慌

感覺激光由眼內角沿皺摺的皮膚直上額頭, 之後激光是在額頭行走

我十分驚慌, 又不敢睜開眼, 同時又想着甚樣可以安全地離開手術床

激光又在我眼皮上打, 仿如一針一針剌上, 同時助護開始在旁大聲不停叫”放鬆, 放鬆,”

我十分驚慌, 但又想着如果我離開手術床, 臉部便成為鴛鴦面, 醫生應該無咁衰

感覺激光在我右眼皮上由內向外打至眼外角, 在眼外角劃了幾劃, 非常剌痛

之後激光打在我左邊面頰, 沒有甚麼感覺, 但仍然好緊張

突然又感覺激光停留在眉頂上, 然後又來回行。 同時朱文楷問我: 你會做兩次激光, 係咪呀? 我慌張地很快回應話: 係呀, 我做兩次激光。 當時我很驚慌亦很想離開手術床

跟着激光又打在我左眼內角上, 非常剌痛, 我緊緊閉合眼皮, 並感覺朱文楷醫生用手指拉起我左眼皮, 然後打激光

激光又從左眼內角眼皮上, 由內至眼外角打, 在眼外角又劃了幾劃, 非常剌痛

然後朱文楷又用手指按在我左眼肚上, 同時用激光沿着下眼簾, 由外至內打上, 當時我意識到非常危險, 可以致盲, 所以唔敢郁

期間朱文楷醫生曾用類似是激光儀器 (硬物) 打橫敲擊我的上鼻樑多次, 當時我選擇不作聲, 因為我認為即使我出聲亦都會是很細聲 (現在回憶當時計埋之前的臥着已有一個多小時)

每次當朱文楷醫生用激光打在我眼部周圍時, 助護便大聲不停地叫”放鬆, 放鬆”

激光手術大概35 分鐘完成, 落床時助護擺出用手扶着我姿勢, 其實沒有扶着我, 她只是眼睜睜地望着我眼，額, 當時我自己下手術床, 內心有點憤怒, 但仍然為朱文楷解釋, 或許這是出於誤會, 溝通不足, 醫生應該唔會咁衰。手術後我問朱醫生說我眼部皮膚無問題, 點解用激光打在我眼皮上, 他低頭沒有回應我問題。比錢後我只是收到大約10ml 的軟白藥膏, 每次覆診都是給我同樣的軟白藥膏, 完全沒有指示手術後的護理。

事隔一個多月, 發現眼，額皮膚都出現問題, 斑點比之前更多更大更明顯, 再去見朱文楷, 問佢我的斑點會唔會變淡, 朱文楷無言以對, 只係話我幫你做嫩膚激光同時順便做埋去斑。 問佢我眼部皮膚問題, 佢話助護都無塗痳醉膏在你眼額上, 我又點會打激光在你眼皮, 額頭上? 我話就係因為無塗痳醉膏在我眼額上, 當時我感覺好痛, 令我印象非常深刻, 所以我知道你有用激光打在我眼額上。 而助護在我面前摺著雙手在她胸前, 行來行去話朱醫生幫人做眼部激光都要收人幾千鈫, 又點會打激光在你眼皮上。

此事之後我致電給朱文楷醫生話我決定唔做第二次激光手術, 並要求他給回我第二次療程6千鈫, 朱醫生要求我簽保密協議, 我唔肯話如果不退錢, 我會經小額錢債法庭去取回6千鈫。 之後應醫委會要求向朱文楷醫生攞醫生報告, 而在收線前, 佢話: 你想告我, 你告我唔入, 我最多可以認為係醫療失誤。

現在我眼，額及面上皮膚都受着當時的激光手術帶來的後遺症。身心都受創傷。

雖然醫委會在2011年終止這個投訴, 但天網恢恢, 疏而不漏, 狠毒毀容醫生朱文楷和那班醫醫相衛的醫生們, 必定遭天譴, 惡行必定遭惡報。

簡評:
個人觀感- 態度有失、聲譽有損
經歷過程- 需要自己主動提出各式樣諮詢
推介意見- 本人絕對不會再作光顧