方玉英盧榮初骨傷科醫館

經歷詳述:
早前弄傷腳踝，未有事先預約，walk-in光顧，年輕女職員馬上黑面，質問是否有登記，傷邊度，回答後聽到我話無登記面更黑（如太忙為何不直接說不接walk in?)，然後坐了一會呼喝俾身份證，查到之前睇過又有微言（但又無問過是否睇過症）。然後另一職員又話通常早半小時截單（我12:35入，咁你唔接咪出聲我走囉，你門口又要寫營業中）然後坐了半小時才再問傷邊度（入門口巳答傷腳，隻腳包晒繃帶仲要問傷邊度），回答後又一直坐，不聞不問。然後陸續幾個有登記的進來，由等5個變等10個，職員完全唔講要等幾耐，排幾耐。正值午飯時間，如果要等咁耐點解唔同人講聲，等人地食個飯再來？
然後等到13:30仍然不聞不問（睇來唔憂做），便去光顧另一間跌打，之後佢地打黎無聽到。
上年光顧時老醫師服務態度很好，可能個仔駐場無皇管服務態度就好差。
只能夠講因為少競爭，唔憂做，待客態度惡劣
簡評:
個人觀感- 態度有失、聲譽有損
經歷過程- 醫護之語調態度令人無所適從
推介意見- 本人絕對不會再作光顧