病患者女 - 31歲

我同男朋友響上年12月尾開始有性行為，期間冇用安全套，之後1月頭確診有念珠菌，然後再有腸胃炎、尿道炎，尿道炎既藥又令我陰道炎再次復發... 但呢次分泌黃黃綠綠，水水地，但癢痕感唔大，同念珠菌好唔同。
撞正新年，搵唔到醫生睇，終於搵到個女醫生，食完藥情況更加差。之後又去搵婦科專科醫生，黎完M又有相同黃黃綠綠分泌。
我睇返最開初既醫生，佢建議我種菌，報告話係普通菌，食完醫生開比我既藥，我冇曬黃綠分泌，感覺好好。
之後過左10日我扁桃腺有d發炎，醫生開左2隻抗生素比我。中間我同男朋友再有性行為，用套會痛，唔用又唔會痛，但過2日黃綠分泌又再次出現....

究竟發生咩事？我可以點做？陰道炎好影響情緒同生活🙏🏻😢 謝謝