診所治療中心

睇中醫網
註冊中醫

經歷詳述:
職員、牙醫都講解得很清晰，態度很好，很有禮貌。同平時睇牙體驗好唔同。
簡評:
個人觀感- 卓越服務、無微不至
經歷過程- 專業人員細緻提供治療或服務
推介意見- 已視為本人的必然選擇

經歷詳述:
醫生很專業，很清晰向我解釋整個治療過程。
醫生及姑娘的態度很好，很有禮貌
簡評:
個人觀感- 卓越服務、無微不至
經歷過程- 專業人員細緻提供治療或服務
推介意見- 已視為本人的必然選擇

經歷詳述:
喺我徬徨之際Dr Wong俾了好好的建議方案，一步一步幫仔仔整返好D牙，真係好多謝佢。
仔仔四歲，諗住佢過兩年都會開始換牙，所以一直都無帶過佢睇牙醫。直到佢話牙痛講咗幾次，又食少左嘢，我先覺得真係可能牙痛帶佢睇。
原來已好嚴重蛀了好多牙，有要補的、有要杜牙根做牙套的，有2隻小臼齒仲要剥，剥完又話要整個空間維持器，真係好後悔仔仔D牙爛晒先帶佢嚟睇。
Dr Wong安慰我同仔仔話唔駛擔心，小朋友仲會換牙，只要而家逐步治療，之後D牙生長都可以好好，我地先安心返。
Dr Wong之後同我講解要處理邊D問題先、分幾次點樣治療、好處和風險，即日剥了隻嚴重爛牙。
睇完我買左杯雪糕俾仔仔食，佢無扭計話痛，Dr Wong手勢真係好唔錯。

簡評:
個人觀感- 經驗豐富、專業可信
經歷過程- 專業忠誠，盡力提供實用意見
推介意見- 已視為本人的必然選擇

經歷詳述:
我一直怕睇牙，幸運地遇到家仁牙科的醫生，用心幫我醫返好排牙。
以前試過植牙途中麻醉藥唔夠而要忍痛聯針，自此驚左睇牙，但幾年牙都唔敢去洗…而家牙痛了… 萬般唔情願之下被女朋友帶嚟睇牙，雖然診所環境幾舒適，但我對睇牙真係有陰影。

第一次係見當值曾醫生，佢幫我檢查後話我口腔情況唔理想，建議我先洗牙，1隻蛀牙要補，1隻智慧齒要剥，然後處理牙周病。咁多嘢要整聽到都覺得怕，我想洗牙和補返隻蛀牙就算數。

曾醫生苦口婆心勸我其餘問題都要處理，以免最終受苦更多。佢講解了要點處理和解釋了唔處理的後果，又理解我以前的經歷，話而家醫學進步了，亦會同團隊醫生交帶好，所以可以放心，請我返去好好考慮。

當日我做咗洗牙和補牙，過程好順利，唔痛，口腔感覺都舒服多。隔咗一排我再來拔智慧齒，醫生好用心幫我整，盡量令我無咁唔舒服，麻醉都落得好準，傷口聯針無痛感。

再之後，由周醫生專門醫牙周病，治療3次後終於完成了，處理好晒D牙的問題。

今次經歷雖然整咁多嘢煩啲，但順利整好一身鬆晒~

簡評:
個人觀感- 以心待人、真誠可靠
經歷過程- 專業人員細緻提供治療或服務
推介意見- 已視為本人的必然選擇

經歷詳述:
之前打波撞崩門牙，臨時臨急就即刻打電話去睇吓邊度牙醫有得即時睇牙科急診，睇吓救唔救得返。打咗都大概有10幾個電話，姑娘一係說話晦氣，一係就話要排waiting list等到下個禮拜先有得睇，做牙醫真係咁好搵？打咗嚟呢度姑娘都好好人，教我搵牛奶浸住隻牙先，仲見我的情況比較緊急就即刻攝咗個期俾我飛的過去睇。去到見到當值陳醫生，女人仔，但係都幾好人，雖然出邊好多人等，但係都好仔細去檢查我的情況。正常都可以救翻隻牙，但係我隻牙連牙腳都斷咗，所以冇辦法救唔番。要清除牙腳及種牙。不過我嗰邊牙槽骨比較薄，所以種牙唔可以隨便搵個醫生做，要搵個專科手術醫生。陳醫生就安排咗我去隔離房睇中心內嘅專科醫生，最後揀咗一隻價錢比較高的瑞士牌子做，應該會比較耐用，而家完成種植牙， 外觀上好似同以前冇乜分別，不過老婆都話我打波要小心啲如果唔係整甩第二隻牙，荷包都幾肉赤。呢度種牙價錢唔平，但係起碼幾專業，手勢好，我個人都有要求但係都感覺OK啦。
簡評:
個人觀感- 愉快友善、感覺良好
經歷過程- 專業人員細緻提供治療或服務
推介意見- 值得向有需要人仕推介

經歷詳述:
自從一家人搬進荃灣後，這麼多年來，我兩個小孩都是到這間牙科中心做牙齒檢查的。地方非常光潔明亮，醫生護士以及每位職員每次看都面帶笑容，總給人很親切的感覺。由於小兒牙痛，便於11月26日帶同他到診所接受檢查，並發現有蛀牙。醫生及助護都好有耐性，一邊安撫小兒情緒，一邊處理蛀牙問題，很快速便完成整個過程。感謝陳醫生。
簡評:
個人觀感- 卓越服務、無微不至
經歷過程- 專業人員細緻提供治療或服務
推介意見- 已視為本人的必然選擇

診所治療中心

See Clinic 健康活力 為健康同心合力