病患者女 - 32歲

我都唔知咩事，總係覺得做人好辛苦，好煩
其實我好細個都已經諗野好負面，可能阿媽迫得緊，令我覺得好辛苦，每日都好驚成績差少少會被打被鬧，所以細個都成日想死，試過為左唔想罰抄將手撞柱，亦試過計劃跳樓，最後老師知道左，阿媽先開始唔敢再迫我，之後大個好少少。

到一直長大都唔係特别正面，不過上年7月之前都冇特别，正到上年7月黎左個上司，每日都不停鬧我，總知咩都我錯，極度辛苦，搞到我勁驚返工，驚到好多次返工前好想衝出馬路死左佢，又訓唔到教，一係就發惡夢，訓訓下會大叫，仲成日喊，真係好想死，被佢折磨左三個幾月，終於一次頂唔順要立即早退睇醫生，放左一星期病假,最後調左team。

但自此之後情緒好差，而家係好過之前，但總係覺得好唔開心，好緊張，好驚，成日好擔心做錯d咩，覺得個人好敏感，少少事就成個人好緊張好亂，好似抖唔到氣咁，聽到水聲又以為水滾瀉，嚇到成個人荒哂，訓教都係訓得唔好，成日發夢被好多人圍住鬧，又冇人聽我講，之後會大叫扎醒，唉…覺得冇人明白，覺得好矛盾，有時真係好想死，有時又好似冇咩事，但好多時間都覺得好down，唔好意思太長……都唔知自己想點，好迷茫…