[ 婦產科 ] 大家知不知道原來產前檢查無心跳記錄?????

大家好,我想同大家分享一下剛剛發生在我身上既事情,希望大家留意下,分享一下意見,我住沙田區,本身我係一個準爸爸,我太太巳懷孕33週,本身我都覺得自己好幸福,但係係3月10日晚,我太太係屋企房突然心臟停頓,我當時係廳太太係房睇電視,太太入房不久,當廣告時我通常入房睇下佢在做什麼,我一入房就看見我太太抽搐中,反了白眼,我即刻一路搖佢同好大聲叫佢,過分幾鐘佢停下來,我即刻報警,然後一路叫佢,過了6定7分鐘救護員就到當時大約晚上9點,救護員即刻係房幫我太太做心外壓加電擊,我就執起去醫院要準備的野,警察亦到了,跟住即刻去醫院,當時救護員一直做心外壓,我就打電話通知太太和我的屋企人,之後醫生講我太太由救護員到達屋企至急診室我太太心臟都是停頓,一入急診室一搶救就有反心跳10分鐘之後又停左,當時婦科醫生決定開刀拎bb出來,之後有反心跳當時9點50分,跟住搶救完醫生就出來同家屬講因為我太太加起來心跳停頓左有30分鐘,所以腦部損害得最嚴重,初步估計孕娠毒血症,痒水入血,子宮與胎盤分開,同當時心臟好差,之後係ICU醫生同我太太做了冷凍治療72小時又俾左訓覺藥,之後差不多每天都見唔同既醫(ICU,婦產科),ICU既醫生話其實都唔知我太太點解心臟停,不過首先睇下點幫我太太,婦產科醫生話唔係孕娠毒血果D….唯一肯定心臟當時係差,但係點解差就唔知,因為當時醫生check過腦無出血,肺無血塊塞住,其他器官無事,醫生話d症狀唔似會影響到心臟停,醫生都唔明白,同埋最主要一點係我太太出事係3月10,最後一次產前檢查就係3月9號,我太太既產檢之前一路都無問題係有一次血壓13X健康院轉介反醫院,血壓2次都高145同139,第1次檢完第2日出事,同埋出事後見我地既婦產科醫生當中講解高級D教授,就係當日幫我太太產檢,所以佢講咩都好,我都有疑惑,同佢講解屋企人唔係好明,其實我太太有將當日產檢流程口錄whatapps俾朋友當時有提到姑娘有幫佢量心跳係130,當時姑娘重好緊張話咁高之後重pass左俾另一姑娘重問佢有無唔舒服幫佢探熱重話問下洗唔洗即刻見醫生,不過姑娘話得反3,4個叫我太太跟尾,我太太見完醫生話我太太無事,只係血壓高小小但就無題心跳,我見醫生果時就問佢我太太係因為心臟停入院所以我想睇反佢9號產檢心跳幾多,佢話無記錄,重話原來無一個位置寫心跳記錄,我同屋企人都覺得佢隱瞞左,之後我就去病人聯絡主任講反件事同我想知道既野,因為所有人都覺得有記錄連深切治療其中一個醫生都話無可能無,但婦產科醫生話好多時姑娘有量,但低就無記錄高就有,我問佢點叫高,佢話140,150,160….icu個醫生搵過真係無,我都上衛生署個網搵過原來係得身高體重同血壓,我覺得真係有問題,好多時血壓都會加埋心跳,姑娘明明有量點解唔寫低,因為我覺得今次我太太件事如果醫生見佢血壓145心跳130處理既方法一定唔會係話佢無事約佢2個星期後覆珍,今日3月31重未知原因,都好難追查產檢當時有無問題,醫生話要幫我太太做的治療都做完,之前去到第5定6日果時icu既顧問醫生建議屋企人俾佢自然離開,我太太才30同所有探過佢既人都覺得佢好似dd dd咁好,不過都係開左小小眼,手腳輕微反應,因為醫生話我太太最傷是大腦,話好反機會好低,我太太之前一路小小斷斷續續發燒,不停打cx,現在好轉了,但係bb同媽媽情況差不多巳在初生嬰兒icu三個幾星期都是未開眼未叫過,一路用住呼吸機醫生多次想停用但唔成功,醫生同我好阮轉講bb將來好大機會無活動能力,bb經常打cx,隻腳有唔自然震動,bb預產期4月24早左個幾月出來,我太太就好似得個軀殼無靈魂一樣,我真唔知發生咩事,太突然,完全無先兆一下子將我所有既幸福拿走,原來幸福唔係必然,我真係深深體會心如刀割,好無助,希望唔會再發生係其他人身上,其實我覺得產前檢查做多小小,我太太應該唔會去到咁差既地步

大家知不知道原來產前檢查無心跳記錄?????(下),現在講我太太入院後所發生既事,本身我或屋企人真係好小住院經驗,我唔知係屋企人過份緊張定係因為投訴過所以對我太太差小小,我太太現在係一個無活動能力講唔到野既病人,入左icu個多月醫生同家屬講我太太唔緊急同icu病菌勁d日口為理由要轉我太太出心臟內科加護病房,我都覺得醫生所講有道理,就答應左,醫生話好小小就轉出去,我問醫生好小小係幾時,醫生話就聽日,到第2日我探我太太時有小小震驚,當時我見我太太出哂汗件衫濕哂,蓋了2張被,我眼見十多個病人除了我太太之外個個行得走得食到野玩到電話,呢d都係其次,我太太係icu都唔洗用口罩,但係到我經常見到我太太要用口罩,我太太轉左黎第2日頸造口姑娘話有感染左金黃葡萄連球菌,我太太家姐咸左出來,之後右過了一個月同一位醫生再用一樣既說話轉我太太出普通病房,我想講病人家屬同病人真係十分相信醫生,我同屋企人再答應,因為當時醫生好誠懇,醫生講其實同加護病房一樣有人抽痰抹身換尿片,同埋出面姑娘都可以見到我太太部機,所以唔會有事,但轉左出去之後雖然係隔離間病房,但我真真正正覺得我正死蠢點解右俾佢點,我太太係會出事,我探我太太時真係好震撼重濕過之前,好擔心,所以同我太太屋企人商諒我本身探病時間探轉左下午到半夜,我終於明白姑娘真係好唔得閒,2個姑娘對40個病人到,我太太會咳到死死下出哂汗,時不時會不自住地咬實嘴唇無活動能力講唔到野,我係到既時候的確有姐姐幫手轉身換片抽痰只見過實習姑娘,莫講話我係到,我叫姑娘都等5-10分鐘,我從姑娘眼中感覺到殺氣,我見過機响左10分鐘無人行入黎之後按鐘等左5分鐘姑娘望左一眼繼續工作,我自己媳制,可能姑娘真係麻木哂,我想講唔只我太太一個咳,有幾個人咳好似交響樂咁,我終於明白醫生話俾屋企人24小時探點解,出左普通病房我覺得醫生想講你地自己搵人24小時睇住佢,我俾我太太屋企人話點解會肯俾佢轉出去,我真係好失望,,但親身體會覺得人地巳經講得無咁差,到底係我過份緊張???唔好彩???定本身真係差???我想講多數姑娘同姐姐都好好,下回會講下投訴之後醫院既回覆