我在2022年7月15日, 預約了佐敦分店--康X耳鼻喉專科中心3點睇葉醫生，我是新症，從未睇過耳鼻喉專科，因左耳感覺有嘢塞住和左邊頭感覺唔自然，以往都試過呢個情況，亦睇過其他普通科都未好，因而進一步睇耳鼻喉專科醫生，睇下是否要洗耳仔還是其他問題。我從網上得知康柏耳鼻喉專科中心。

該分店是葉醫生當值，入到醫生房我話左耳塞住，我未講完他便斷我話叫我放低書包去睇睇，用嘢照一照便話好乾淨無耳屎，因為我唔識點形容左耳狀況，擔心問多句裡面是否有積水，會唔會耳道炎，我話之前試過一次睇過醫生話耳道炎。葉醫生便很不悅話你寧願信普通科醫生都唔信個專科醫生，佢話咩都無。之後我問會唔會我之前游水比水入左去塞住，佢語氣很串的口吻話有但唔會係你囉！我問得很斯文，他答得很惡, 我再問我呢個情況可以點做，佢叫我返去自己上網睇下咩叫突發性失聰，之後仲話如果唔襯後生醫, 老左會聾, 仲寫紙叫我去做聽力測試打發離開, 聽力測試要另比$420, 之後叫我出去比錢，除我考慮做唔做。之後覆診要$600睇報告, 我有做聽力測試, 但無覆診, 領回報告自己查, 得知聽力無事, 不是突發性失聰問題.
我由入醫生房到出醫生房唔夠5分鐘，醫生只是用鏡望一望左耳幾秒，之後完全無做任何檢查和跟問我其他唔舒服情況，更沒有講解我的情況會有什麼可能性和解決醫治方法，對答態度極差，極不友善，完全感覺不到我是被診治的對象，難聽講句睇完好似無睇一樣，還要付$800診金。
一心唸住比得$800睇專科醫生起碼最基本檢查和問診解答都應該會做，但整過程得到的是醫生的無禮對待
我真係極不滿葉醫生的態度和醫德，我不清楚他對其他病人是否相同還是他的一貫作風，但我所講的遭遇是我睇醫生的首次經歷，我同行的家人都感覺很離譜和憤慨。葉醫生無認真睇症, 我付了金錢得不到應有的服務.

回應poi