[ 骨科 ] 直接叫我去照磁力共振

我見呢個網站對呢位醫生評價非常不錯，所以就去睇佢。但亦正正係呢個原因令我決定要打呢篇嘢，講翻自己好差嘅經歷。
我真係非常失望，可以分兩個方面講。
首先係作為一個醫生，佢嘅態度真係不敢恭維。
喺問症嘅5分鐘內，佢不斷地反白眼，而且仲不停嘆氣。當我回答佢嘅時侯，更加會打斷我嘅說話，多次質疑我嘅答案，態度可以話係令人咋舌。試問咁又點會真係搵到病人嘅毛病喺邊呢？只能話佢對病人冇耐性。
第二，作為一個醫生，佢嘅診症過程實在唔專業。
當佢以極快速嘅節奏摸我膝頭嘅時侯，我話「就係呢個痛」，佢都冇停低問我係邊個位或者double confirm。而係之後直接叫我去照磁力共振。佢冇同我講過係出咗啲咩問題，亦冇解釋做磁力共振嘅必要性。直到最後，我都唔知自己身體有咩毛病。
老實講，去到最後，我都費時問。佢嘅態度真係令我好難受，點解我要貼錢買難受？對住個會反病人白眼嘅醫生？出翻診所就打咗電話去取消哂啲booking。