[ 血液及血液腫瘤科 ] 病人有好多疑慮同擔心實屬正常

此網對呢個陳醫生評價甚佳，決定一試。
所謂上醫醫國，中醫醫人，下醫醫病，呢個醫生絕對係下下醫的表表者！正垃圾！
睇得陳醫生好多都係血液/血液腫瘤科的病人，患上其中任何疾病都係比較難醫好的病，病人有好多疑慮同擔心實屬正常。
病人都未問完，就同病人講我應該已經解答左你嘅疑問，我講左啦！然後趕病人走，話自己仲有好多病人要睇。
呢個醫生一d同理心都無，病人擔心問問題仲好似阻住佢做生意咁。我俾錢你就係揾你用你嘅專業黎答問題，唔係你以為你自己憑咩收錢？
你有好多病人睇就要我幫你慳時間睇其他病人？你無能力就唔好睇咁多。睇醫生過程中呢個陳醫生仲要不停接電話，剝削病人時間。俾公立醫生嘅時間你但收你私家專科價錢。
睇醫生前已經知道自己的病需要盡早食藥，問呢個陳醫生佢竟然唔肯開！之後睇左另一醫生都話要快d開始用藥隨即就開左俾我。
關於手術檢查安排呢個陳醫生都答唔出，只會推俾診所的護士。
最後見左唔夠半個鐘，唔肯開藥，呢個陳醫生收左接近2000蚊。
呢個醫生只知收錢，基本唔會幫病人盡釋疑慮，毫無醫德，如果你本身病情不理想，見呢個醫生只會影響你的情緒。
總結：唔好浪費時間金錢俾呢d垃圾賺，要揀呢個醫生嘅自求多福！